(भाग-२) 
१ महिन्यानंतर...
बरोबर १ महिन्याच्या अंतराने ड्रायव्हरच्या मालकाचा वाढदिवस येतो व तो ड्रायव्हर आपल्या मालकाला भेटवस्तू 
घेण्यासाठी पुन्हा त्याच कपड्यांच्या दुकानात जातो...तेथे गेल्यावर तो
ड्रायव्हर दुकानदाराला म्हणतो की , ' एखादा चांगला शर्ट दाखवा'... मग
दुकानदार शर्ट दाखवायला सुरुवात करतो... पहिल्यांदा तो २५० रु. चा शर्ट
दाखवितो... तेव्हा ड्रायव्हर म्हणतो, ' यापेक्षा अजून चांगला (महाग) दाखवा
'... त्यानंतर तो दुकानदार ५०० रु. चा शर्ट दाखवितो...तोही शर्ट त्याला
आवडत नाही व तो म्हणतो याच्यापेक्षा महाग असला तर बघा ना...मग दुकानदार
त्याला १००० रु. चा शर्ट दाखवितो... ड्रायव्हर पुन्हा तेच वाक्य म्हणतो...
शेवटी तो दुकानदार त्याला १५०० रु. चा शर्ट दाखवितो...तो शर्ट ड्रायव्हरला
खूप आवडतो आणि मनोमन विचार करतो की ' हा शर्ट आपल्या मालकाला सुद्धा आवडेल
'... म्हणून ड्रायव्हर तो शर्ट निवडतो आणि पैसे देऊन तेथून निघायला
लागतो...
पण या घडामोडींमुळे
दुकानदाराच्या मनात एक विचारांचं काहूरच उठलं होतं... म्हणून तो
ड्रायव्हरला विचारतो की , ' तू तर एवढे महाग कपडे घालत नाहीस '... मग एवढे
महाग कपडे कोणासाठी ?... यावर ड्रायव्हर म्हणतो की , आज माझ्या मालकाचा
वाढदिवस आहे व ते नेहमी तुमच्याच दुकानातून कपडे घेतात... त्यामुळे म्हटलं
येथूनच एखादा शर्ट घ्यावा...
तो ड्रायव्हर तेथून गेल्यावर देखील दुकानदार त्याच विचारात
गुंतला होता...या घटनेतून त्याला एक गोष्ट शिकायला भेटली ती म्हणजे ,
माणसाचा मोठेपणा हा त्याच्या श्रीमंतीमुळे नाही तर त्याच्या वागण्याच्या
पद्धतीमुळे कळतो...त्याच्या विचारांमुळे , संस्कारांमुळे कळतो...
या कथेतून मला हेच सांगायचं आहे की , ' माणसाची किंमत ही बाहेरील
श्रीमंती वरुन कधीच ठरवू नये '...जी माणसं मनाने श्रीमंत असतात तीच माणसं
सुख-दु:खात कायम आपल्या सोबत असतात... 
धन्यवाद...!
♚ⓒⓢⓝ♚
सुंदर कथा..
ReplyDelete